Bílastæði í Fjólugötu.

Það er ekki mögulegt að leggja nálægt heimili sínu ef maður þarf að hreyfa bíl að morgni t.d. þegar maður keyrir börnin og maka í skóla/vinnu. Nemendur og kennarar Kvennaskólans fylla öll stæði í Fjólugötu og nálægum götum og maður getur ekki lagt aftur nálægt heimili sínu fyrr en eftir kl.14:30 ca. Nemendur Kvennaskólans leggja fyrir bílskúra og einkabílastæði fólks.

Kannast mjög vel við þetta vandamál. Þetta plagaði mig þegar ég var heima í fæðingarorlofi og var með kornabarn í barnabílstól á handleggnum, annað smábarn og innkaupapoka. Þetta er bagalegt finnst mér líka sérstaklega fyrir eldra fólkið í hverfinu sem á oft erfiðara um gang, sérstaklega á veturna þegar það er snjóþungt. Það mætti alveg setja gjaldskyld stæði þarna eins og eru nær miðbænum og íbúar gætu sótt um sérstakt íbúakort. Það væri kannski líka hvatning fyrir hina til að nota strætó :)